Препознатливи се по својата дебелина, карактеристична за американски палачинки, овие се толку сочни што децата ги обожаваат и без дополнителни преливи, а за возрасните го препорачуваме неодоливиот сладок сос од рум кој совршено се бакнува со јаболката и циметот.

Намирници за преливот- 100 грама шеќер во прав, 150 мл рум.

Намирници за палачинките – 2 јајца, 3 лажички шеќер, 300 мл млеко, 1 лажичка прашок за пециво, 300 грама брашно, 50 грама растопен путер или маргарин, 2 изрендани јаболка, 1 ќесичка ванилин шеќер, прстофат сол.

palacinki-1

Подготовка

Убаво имешајте ги јајцата со шеќерот и растпениот путер, па додадете ги останатите намирници за палачинките, а на крајот ренданите јаболка.

Пржете ги на тава со претходно загреано малку масло, на висока температура. Испржени попрскајте ги со шеќер во прав и цимет.

Подгответе го сосот за преливот од шеќерот во прав и рум на тој начин што прво во лонче на ниска температура ќе го загреете шеќерот се додека не добие златножолта боја, а потoа отсранете го лонецот од ринглата и полека додавајте од румот со постојано мешање, па продолжете уште малку да го готвите на рингла додека шеќерот сосема не се стопи.