Со впечатлива виолетова боја, специјалитетите од цвекла не се само уживање за непцето туку и за очите. Овој лековит зеленчук ни го нуди својот корен, но и помалку занемарените листови. Како плод поволно влијае на работата на крвните садови, црниот дроб, нервите, срцето и мозокот. При купување на цвекло важно е да се одбираат потврди главици со здрави листови кои може да се користат во различни салати. Комбинирајте ги со зелена салата и спанаќ.

cveklo-2

Овојпат ви нудиме рецепт за рижото од цвекло. Крамастото виолетово чудо се подготвува едноставно, а освојува уште на прв поглед.

Намирници – 1 цвекло (средна големина), 4 лажици путер, 1 филџан ориз, 100 мл бело вино, 50 грама изрендан пармезан, половина праз, свеж магдонос, бујон (или супа од зеленчук), сол и црн пипер.

Подготовка

Исчистете го цвеклото, исечкајте го на коцкички и варете го во бујонот додека малку не омекне. Немојте да го сварите до крај. Во тава стопете го путерот, па додадете го исечканиот праз. Динстајте го празот во путерот додека стане готов. Потоа додадете го виното и варете додека алкохолот не испари. Сега додадете ги сварените коцкички цвекло, додадете од бујонот во кој се варело цвеклото, додадете го оризот. Супата треба да го прекрива оризот, а ако има потреба подоцна додадете уште малку од неа. Варете додека оризот стане „ал денте“ (не многу мек), отстранете го од ринглата и додадете го пармезанот (изрендан), остатокот од путерот и ситно исечканиот магдонос.