Шпанецот го предводеше Манчестер Јунајтед до победа во првиот натпревар од полуфиналниот двомеч против Хал Сити.

Фудбалерите на Манчестер Јунајтед победија на својот Олд Трафорд против екипата на Хал со резултат 2:0 во првиот натпревар од полуфиналето на Лига купот.

Јунајтед без многу проблеми е совлада послабата екипа на Хал, а херој на победата беше Хуан Мата кој погоди во 56. минута на асисенција на Микхтаријан, а до конечни 2:0 Јунајтед дојде со голот на Фелаини.

Во вториот полуфинален натпревар вечерва во 21:00 ќе се сретнат Саутемптон и Ливерпул.

Менаџерот Жозе Мурињо одлучи да извади јак состав, а сепак го одмори Златан Ибрахимовиќ кој го менуваше Маркус Рашфорд.

Јунајтед од самиот почеток диктираше темпо на натпреварот и контолата беше во нивните нозе, меѓутоа не доаѓаа до чести шански.

Во првото полувреме, најдобрата шанса ја имаше Микхтаријан кога остана сам на десет метри и шутираше покрај левата статива.

Сепак, во вторите 45 минути, Јунајтед беше многу подобар, напрво Руни имаше огромна шанса после долгата топка на Рашфорд, но шутираше покрај голот.

Во 56. минута, Валенсија центрираше од десната страна, Микхтаријан ја врати топката во петерецот, а таму на вистинско место се најде Мата и лесно погоди за 1:0.

Јунајтед имаше голема шанса да дојде до 2:0, Погба маестраално изведе слободен удар, но ја погоди стативата.

Мурињо потоа направи три промени, Марсијал, Фелаини и Лингард, и токму белгијанецот во 87. минута ја искористи асистенцијата на Мата за големи 2:0 пред реваншот кој е на програмата на 26. јануари.