Толку беше од кариерата на Кевин Спејси

Ако одиме по до сега востановеното сценарио претстојниов период најверојатно ќе се случи погребот на кариерата на Кевин Спејси, откако тој беше обвинет дека се обидувал сексуално да заведе малолетен глумец. Кевин Спејси речиси и да не негираше ништо од ова (не се сеќава, одамна било) и по пат ги потврди долгогодишните гласини дека е геј.

46-годишниот Ентони Рап, моментално актуелен како поручник Стаметс во новиот серијал од „Ѕвездени патеки“, за Базфид откри дека Кевин Спејси во пијана состојба се обидел да го заведе кога имал само 14 години.

Според сведоштвото, на една забава во 1986 Спејси се качил врз 14-годишниот Рап, кој бил легнат на кревет. Рап некако успева да се извлече по што избегал од собата.

По објавувањето на веста, 58-годишниот Спејси објави соопштение во кое најдлабоко му се извинува Рап за своето несоодветно однесување:

„Јас сум престрашен од тоа што го слушнав. Јас искрено не се сеќавам на оваа средба, која се случила пред 30 години. Меѓутоа, ако сум се однесувал како што тој опишува, му го должам моето најискрено извинување за нешто што е сериозно несоодветно пијано однесување, и жал ми е што чувствата кои ги објаснува тој ги носел сите овие години.“

Во истото соопштение за прв пат до сега Спејси ги потврди гласините околу својата сексуалност, откривајќи дека тој „избира да живее како геј маж“:

„Како што знаат луѓето што ми се блиски, во мојот живот јас имав врски и со мажи и со жени. Низ животот сакав и имав романтични средби со мажи и жени, и јас сега избирам да живеам како геј маж. Сакам искрено и отворено да се справам со ова, а тоа започнува со испитување на моето лично однесување.“

pic.twitter.com/X6ybi5atr5

— Kevin Spacey (@KevinSpacey) October 30, 2017

Исто така прочитајте

Кејт Винслет ја бакна Алисон Џени на доделувањето на Hollywood Film Awards (Видео)

Доделувањето на овогодинешните награди на Hollywood Film Awards го одбележа актерката Кејт Винслет која во …

Leave a Reply

Your email address will not be published. Required fields are marked *