Рамбо Амадеус: Подобро е на гости, не морам да мијам садови

Во организација на концертната агенција и продукција „3 гонга“, вечерва со почеток во 22 часот во ноќниот клуб „Станица 26“ ќе настапи Рамбо Амадеус со својот секстет: Саша Ранковиќ на тапани, Мирослав Товирац на бас, Војно Диздар на клавијатури, Александар Петковиќ на саксофон и Милош Николиќ на труба, обединети под името Rambo Amadeus & Five Winnetous.

Пушиќ, алијас Рамбо Амадеус, вели дека во Скопје се чувствува како дома и секогаш доаѓа со големо задоволство или во негов стил: „Се чувствувам како дома, но повеќе би сакал да бидам гостин за да не морам да мијам садови“. На прес-коференцијата најави одлична свирка со својот секстет, музичари со кои многу се препознава и може да ја создава својата специфична музичка импровизација. Во интервју за „Макфакс“ вели:

„Пишувам песни за теми што тешко може да се преведат во стихови. Музиката е последица на состојбите и развојот на еден општествен систем или дијагноза на сликата на еден систем. Во капитализмот профитот е причина за сè, па и за музика. Затоа моите настапи, како и овој во Скопје, се концерт за работниот народ, напредната младина и чесната интелигенција“.

Рамбо Амадеус: Подобро е на гости, не морам да мијам садови was last modified: November 29th, 2017 by Александра Георгиев

Исто така прочитајте

Бугарски државјанин уапсен во Хрватска поради банкомат измами

Бугарски државјанин бил уапсен во Хрватска поради крадење на лични податоци од банкомати. Според новинската …

Leave a Reply

Your email address will not be published. Required fields are marked *