Предлог за божикен ручек: Царско месо

За божикната трпеза ви претставуваме рецепт за подготовка на царско месо.

Потребни состојки:

1,3 килограми царско месо (парче свинско месо)

Сол по вкус

1 лажичка сенф

1 лажичка црвен пипер

1 килограм компир

Mалку масло за јадење

Подготовка:

Одберете добро парче свинско месо необработено со сланина и кожа. Кожата на месото засечете ја со остар нож на коцки со ширина од околу два сантиметра.

Посолете го месото од сите страни и потоа премачкајте го со мелен црвен пипер. Во сад помешајте го сенфот со мала количина на масло за јадење, па потоа премачкајте го месото.

Месото ставете го во тава за печење и печете три часа во рерна на 150 степени. Компирите излупете ги и исечете ги на крупни парчиња и варете ги во тенџере десетина минути додека водата да зоврие.

После три часа печење извадете го месото и во истата тава додадете ги компирите и месото, заедно печете ги уште 20 минути на температура од 220 степени.

Откако ќе се испече месото не го сечете веднаш, туку почекајте 10 минути, па потоа сечете го и сервирајте.

Исто така прочитајте

Рудолф – новогодишни мафини за сите деца

Класичните чоколадни мафини со неколку дополнителни чекори можат да се претворат во преслатки новогодишни и …

Leave a Reply

Your email address will not be published. Required fields are marked *