Полицијата ќе изготви мерки за обезбедување на железничките станици и патниците во возовите

Министерот за внатрешни работи Оливер Спасовски денеска оствари работна средба со раководството на Македонски железници Транспорт АД Скопје, на која било разговарано за безбедносните недостатоци со кои се соочуваат железничките станици и обезбедување на патничките и товарните возови кои се мета на кражби.

На средбата, како што информираат од МВР, станало збор за повеќе практични аспекти во врска со подигнувањето на нивото на безбедност во железничкиот сообраќај, како патничкиот, така и товарниот, а министерот Спасовски се заложил дека МВР ќе излезе во пресрет на барањата на МЖ.

Договорено е Секторите за внатрешни работи Тетово, Охрид, Куманово и Скопје да изготват соодветни планови за мерки и активности по однос на обезбедувањето на железничките станици и на патниците во железничкиот сообраќај, се вели во соопштението на МВР.

Исто така прочитајте

Корисниците на ВИП останаа без телефони и интернет на два часа

Половина Македонија без мобилни телефони и интернет. Попладнево падна мрежата на Оне Вип.Корисниците на неговите …

Leave a Reply

Your email address will not be published. Required fields are marked *