Официјално Honor 7X: all-screen дизајн, дуален систем камери и цена од 200 долари

Huawei Honor 7X конечно ја доби својата глобална премиера. Уредот беше најавен во октомври во Кина, а ова утро беше конечно претставен. Накратко, станува збор за уред од средната класа со пристојни спецификации…
Официјално Honor 7X: all-screen дизајн, дуален систем камери и цена од 200 долари

Како што се очекуваше, уредот вклучува all-screen дизајн. Неговите рамки не се најтенки кои сме ги виделе досега на смартфон, но Honor тврди дека 82.9% тело-дисплеј соодносот е највисокиот досега, барем во оваа категорија смартфони.

На предната страна се наоѓа Full HD 5.93 инчен дисплеј со 18:9 сооднос. Тоа е голема разлика во споредба со 5.5 инчниот 16:9 панел на неговиот претходник, Honor 6x. Скенерот за отпечатоци се наоѓа на задната страна, заедно со дуалниот систем камери. Доаѓа со алуминиумски дизајн. Камерите на задната страна се од 16 и 2 мегапиксели, а селфи камерата е од 8 мегапиксели.

Под хаубата, се наоѓа Kirin 659 процесор, придружен од две варијатни. Едната варијанта доаѓа со 3GB RAM/32GB ROM и ќе биде продавана во Америка, а другата доаѓа со 4GB RAM и 64GB меморија и е наменета за европскиот пазар. Работи на батерија од 3340mAh.

Во Америка, Honor 7X ќе биде достапен во сина и црна варијанта по цена од 199 долари. Во Европа, ќе доаѓа во сина, црна и златна боја, а цената ќе биде 299 долари.

Исто така прочитајте

ВИДЕО: Дрон кој пее ќе ги брка работниците кои прекувремено остануваат на работа

Јапонски компании измислиле одличен изум – дрон кој пее. Планот е дронот да лебди околу …

Leave a Reply

Your email address will not be published. Required fields are marked *