Најдобрите телефони пред времето на iPhone!

По десетгодишнината од претставувањето на првиот iPhone, решивме да се потсетиме на најдобрите телефони кои можевте да ги имате, пред најавувањето на уредот кој целосно го смени светот на смартфоните….
Најдобрите телефони пред времето на iPhone!

BlackBerry Curve 8300

BlackBerry Curve 8300 беше еден од најпопуларните уреди во неговото време, откако беше претставен во 2003 година. Стануваше збор за уред кој ги комбинираше маиловите и интернетот во еден уред со целосна QWERTY тастатура. По него, компанијата го претстави BlackBerry Pearl, првиот телефон на компанијата со камера, а последниот популарен уред на BlackBerry пред времето на ајфоните беше Curve. Стануваше збор за моќен уред со висока резолуција, но неговите недостатоци станаа поочигледни и побројни со претставувањето на ајфоните.

Nokia N95

На времето, едно од најпопуларните имиња во светот на телефоните беше Nokia. Финската компанија претстави низа уреди, со различни големини, форми и цени, а N95 беше еден од нив. Телефонот содржеше одлична камера и 3G конекција.

Samsung BlackJack

Тенкиот и примамлив BlackJack, беше еден од поприметливите Samsung телефони, благодарение на тенкиот дизајн и моќните перформанси. Меѓу клучните карактеристики, доаѓаше со Bluetooth 2.0, Windows Mobile 5.0, кој потоа беше променет во Windows Mobile 6, но како и кај повеќето телефони од тоа време, му недостасуваше WiFi конекција.

Sony Ericsson K800i

Компанијата Sony Ericsson беше позната по своите телефони со одлични камери. Sony Ericsson K800i доаѓаше со елегантен дизајн и камера од 3.2 мегапиксели со моќен Xenon блиц. K800i беше првиот телефон со моќна графика, која овозможуваше поседување на целосни 3D Java игри.

Motorola RAZR

Претставен неколку години пред ајфонот, RAZR беше еден од телефоните кои го имаа сите популарни деца во маало. Moto RAZR V3 беше најпопуларниот модел, со повеќе од 130 милиони продадени единици.

Сте поседувале некој од овие ретро модели? 🙂

Исто така прочитајте

Samsung: Добитник на 36 CES 2018 награди за Иновацииза Извонреден Дизајн и Инженерство!

Samsung,глобален лидер во технологијата, објави дека 36 од нивните најнови продукти се добитници на Наградите …

Leave a Reply

Your email address will not be published. Required fields are marked *