Кејт Винслет ја бакна Алисон Џени на доделувањето на Hollywood Film Awards (Видео)

Доделувањето на овогодинешните награди на Hollywood Film Awards го одбележа актерката Кејт Винслет која во моментот на преземање на признанието за ангажман во филмот “Wonder Wheel”, ја повикала својата колешка Алисон Џени, а потоа ја бакнала.

Винслет ја добила наградата за најдобра женска улога во филмското остварување на режисерот Вуди Ален, а истата ѝ била врачена од страна на актерката Шејлин Вудли.

-Ти благодарам Шеј за прекрасните зборови. Многу сум горда што сум покрај тебе на сцената. Ти благодарам за твојата наклоност, интегритет и прекрасните зборови, изјавила Винслет на почетокот на говорот во текот на преземањето на наградата.

Актерката ја искористила приликата да се заблагодари на сите колеги и големи филмски создавачи со кои се нашла во салата на Беверли Хилтон, каде била одржана оваа свеченост.

-Ова е величенствена просторија која е исполнета со многу големи достигнувања и моќна креативност. Длабоко сум благодарна на ова признание во време кога гласовите на уметниците играат важна улога во поместувањето на границите, што е денес многу понеопходно отколку некогаш. Најголема награда во оваа работа е приликата да соработувате со неверојатни актери, изјавила Винслет.

Потоа, нагласила дека во салата е присутна и легендарната актерка Алисон Џени.

Алисон, знам дека не те познавам многу, но едноставно сакам да бидам ти или да направам нешто за тебе и слично. Мислам, секогаш можеме да се бакнеме, можеби”, ова биле зборовите на Кејт по кои Џени брзо се појавила на сцената покрај колешката.

-Ох, ќе се случи. Брзо, брзо, брзо”, возбудено реагирала Винслет и ја бакнала Џени, по што и двете добиле овации и аплауз.

По краткиот бакнеж, Кејт не можела да го заврши нејзиниот говор и само уште еднаш ѝ се заблагодарила на публиката.

Исто така прочитајте

Ченинг Тејтум ја раскина соработката со Вајнстин

Ченинг Тејтум ги прекинува своите бизнис односи со продукциската компанија „Вајнстин Ко.“ и со Харви …

Leave a Reply

Your email address will not be published. Required fields are marked *