Најнови вести

(ВИДЕО) Вербален судир на пратениците од опозицијата со Џафери

Пратениците од опозицијата предводена од ВМРО-ДПМНЕ во Собранието, дојдоа до вербален судир со претседателот на Парламентот, Талат Џафери пред говорницата откако тој не го прифати барањето на пратеникот Илија Димовски за пауза.

На денешната седница на која на дневен ред се неколку точки, ставено е и првото читање на Законот за употреба на јазиците, за кои партијата ВМРО-ДПМНЕ, уште додека законот беше во Комисијата за европски прашања, бараше да не се носи законот и особено да се тргне европското знаменце од него, како приоритетен закон.

По барањето на денешната пленарна седница, од страна на Илија Димовски, законот да се тргне од дневен ред, мнозинството пратеници го отфрлија предлогот.

Сите координатори на пратеничките групи на ВМРО-ДПМНЕ бараа да се симне законот од дневниот ред. Тие велеа дека законот не може да има европско знаменце оти не е наведено со кој пропис на ЕУ се усогласува, како и дека е прекршен Деловникот, оти не бил даден во Комисијата за политички систем како матична комисија, туку на Комисијата за европски прашања.

По десетина минути расправа на опозициските пратеници со Џафери, на крај собранискиот спикер се согласи на пауза со цел да се смири тензијата.

„Кога ја примив должноста како претседател, кажав ова или ќе биде Собрание или нема да го има. Физички ова Собрание постоело и ќе постои, но функционално за да го има своето место и улога, треба дасе работи како што е пропишано. Димовски побара процедурално, а потоа мојот драг колега не побара пауза. После неколку пати укажување дека му заврши говорот, тој побара пауза. Сметам дека нема потреба за тоа и уште еднаш ќе укажам. Не може да се наметне одлука по притисок и начинот на кој 50 пратеници доаѓате тука без ред“, им порала Џафери на своите колеги пред да ја прекине седницата.

Следува видео од инцидентот…

Исто така прочитајте

Каква изборна кампања може да се очекува и кои теми ќе бидат најзастапени?

Фото за вовед: YouTube видео: Embedded video for Каква изборна кампања може да се очекува …

Leave a Reply

Your email address will not be published. Required fields are marked *