Дома Македонија Вес Мичел, помошникот државен секретар во Стејт департмент доаѓа во Македонија и...

Вес Мичел, помошникот државен секретар во Стејт департмент доаѓа во Македонија и на Косово

160
Сподели

Вес Мичел, помошникот државен секретар за Европа и Евроазија во вторник доаѓа во Скопје, потврдиле  високи дипломaтски извори за ТВ 24. Мичел ќе биде во прва посета на земјава, откако минатата година ја замени на позицијата во Стејт департментот Викторија Нуланд, која изигра клучна улога во Пржинскиот процес.

OLYMPUS DIGITAL CAMERA

Мичел ќе се сретне со премиерот Зоран Заев и шефот на македонската дипломатија Никола Димитров. Неофицијално спорот со името ќе биде клучната тема.

Посетата на Мичел доаѓа пред следната рунда преговори меѓу Македонија и Грција, но и во пресрет на доаѓањето на грчкиот министер за надворешни работио Никос Коѕијас, кој по 20-ти месецов треба да допатува во Македонија со нацрт спогодбата за спорот со името.

Српскиот весник „Новости“, пак пишува дека САД подготвиле пакет предлози за односите на Србија и Косово, кој ќе биде претставен при посетата на американскиот помошник државен секретар Вес Мичел на регионот.

Според весникот, предлозите на Мичел содржат барање Србија да овозможи прием на Косово во меѓународните организации. За возврат, заедницата на четирите општини во Косово кои се со мнозинско српско население ќе добие широки овластувања во образованието, здравството и културата, а потпретседател на косовската Влада кој е Србин ќе има овластувања да го контролира функционирањето на оваа заедница. Србија ќе добие поддршка за прием во Европската унија, како и посериозна економска поддршка, пишува весникот.

„Новости“ пишува дека предлозите ќе бидат претставени пред српскиот претседател Александар Вучиќ, како најсилна политичка фигура во Србија, а евентуалното негово одбивање на предлогот би довело до блокада на српските евро-интеграции.

Коментар

Please enter your comment!
Please enter your name here